[原創]<第七話出左>喪屍之逆襲。。SECOND SLAUGHTER

逆．Ｒeｍ

大家想睇番上一輯可以下載附送既壓縮檔


一至七話  第一頁

[ 本帖最後由 逆．Ｒeｍ 於 9-10-2007 14:52 編輯 ]

逆．Ｒeｍ

第一話   survivor---ham&蝶
-------------------------------------沙田某貨倉----------------------------------
ham:『出面都係好多喪屍.........唉......你肚唔肚餓呀，我煮麵俾你食丫』
蝶:『唔駛啦......我都唔肚餓』
ham:『都已經成一年啦........我地又走唔到出去』
蝶:『唉.......我都唔想係呢個地方再逗留......日日都避來避去咁......好辛苦』
ham:『咁無辦法架...........唔係點...........而家d喪屍隻隻都好似勁左好多咁......你睇下』ham指出窗外
外面的喪屍們速度比以前的快了不少，雖則仍未及得上人類，但也似是進化般
當然，不少喪屍知道ham他們在貨倉內，所以貨倉外面不少喪屍逗留
ham:『隻隻而家都咁樣.......我諗我地都好難走』
蝶:『呢間野天台有個直升機停泊場.......不過根本就冇人救援我地』
ham:『唉..........(喪屍們在出面喧嘩著)仆你個街，收嗲啦!!!!!』
一個手榴彈扔了出去，炸死了不少喪屍，但喪屍數目並不是一個手榴彈可以對付的，恐怕有幾支火箭炮也數不了
ham:『我都唔知幾時先可以脫離呢個狀況...........』
蝶:『算啦.........係喎，部電腦你整好未』
ham:『整好係整好........不過都唔知上唔上到網，真係要試過先知』
二人走向一台手提電腦，用著找到的上網線，試著上網
ham:『..............................得左!!!!!!!!!好野!!!!!』
蝶:『快d上去睇下而家個世界點啦』
連上了雅虎的網頁，香港的那個和事件發生時完全沒有變動，美國那邊的卻是最新的資訊
上面報導著的東西，令人十分氣憤，美國那方面已完全制壓了喪屍，而且漸漸回復舊貌
但是不準許其他國家的人入境，大量人口因為美國自私的關係，而相繼死亡或變成喪屍
美國境內人民不滿意政府禁斷出入境，各地都相繼出現遊行，暴行等等現象
ham:『d美國佬真係正一仆街，世界末日我諗都要佢地負上大部份責任』
蝶:『第日都會世界末日架啦，差在幾時........而家我地呢d人類係度偷偷地過日子......仲慘過做賊』
ham:『不過........都好彩俾我地搵到呢個倉庫，不過我記得係果時，我臨暈低有個人走左埋黎........都唔知係唔係喪屍黎』
蝶:『我諗唔係啦.........係既話我地變左喪屍啦，不過.......我地都唔識果個人，佢做咩咁好心帶我地黎呢個倉庫......』
ham:『都唔知佢好心定黑心啦.........而家走又走唔到，但係度會暫時唔駛死囉........唉』
蝶:『唔好成日唉聲嘆氣啦.................』
ham:『我又唔識整車........係呀，果邊有部貨車係度.............但冇用，如果我識整車就整到好似活死人凶間果部咁!!』
蝶:『唔好再係度怨自己好冇呀，你..........你唔可以咁架.......你係我既支柱黎架........』
ham:『....對唔住』
蝶:『算啦........我地訓覺啦，好冇??』
ham:『.....好啦』
雙方互吻著，走往床上，然後.....................
晚上，ham仍未睡著，點起香煙，走上天台，躺著望向星空，在他思想的時間內，世界好像忽然寂靜下來......寂靜下來
蝶:『ham........訓唔著咩??』蝶起來看見旁邊的ham不見了，便上天台找他
ham:『係呀..........望住滿天都係星星.....諗起好多人....』
不斷在ham腦海中盤旋著的，都是那幾個出生入死的人
輝，chris，karen，銀狼等等.......
蝶:『算啦.........佢地都去左啦』
ham:『仲有就係我父母......事件發生都而家.........一d佢地既消息都冇』
蝶:『其實而家咁既狀況...........你都有心理準備啦』
ham:『嗯.....』
蝶:『.........乖啦，訓啦』蝶輕輕吻了ham的額頭一下
他們就在星空與喪屍嗚叫下.......睡著

下集預告:::為什麼二人會去到那貨倉，他們說救了他們的那個人又是誰??下一集將為你剖析ham&蝶從青衣城逃出至貨倉的經過...........特別版!!!零話-------start of the past story

第二輯既第一話好似短左少少.......唔好意思
零話會長少少架啦，多謝大家支持

逆．Ｒeｍ

零話   start of the past story
黃昏照映著街道，ham二人開始從喪屍群中衝出重圍
ham:『蝶!頂住呀，就快到碼頭架啦』
蝶:『嗯』
二人到達橫龍街一帶，喪屍終於沒有之前的多，二人也放輕了腳步
蝶卻在此時暈倒了，ham幾經辛苦才邊抱著她跑，邊叫醒她
ham:『蝶!!醒呀，唔好訓呀!!!!』
蝶:『......呀.........岩岩我暈左』
ham:『係呀，頂住啦，就快到荃灣碼頭架啦』
二人終於跑進了荃灣公園，但ham一定沒想到，他再遇見某個惡夢....
眼看附近終於沒有喪屍追來，於是ham與蝶一起在椅子上休息一會
ham:『嗄嗄.....嗄........休息多一分鐘就行啦，陣間佢地又追黎就死啦』
蝶:『唔........』
一分鐘後，ham二人再次起步想走往荃灣碼頭，沒多久，他們就遇到曾殺死自己好友的怪物----------lv3
ham:『哼.........我都估到呢度有d野架啦，如果唔係d喪屍都應該照會追過黎』
蝶:『點算呀!!!!!!』
ham:『你去後面等一等我，我好快就得』
蝶:『........咁我去果個廁所度等你啦』
ham:『嗯』
蝶:『應承我.........唔好死』
ham:『放心啦』
ham輕吻一下蝶的額頭，蝶就衝往廁所，lv3正想追她時，ham用手槍射中了lv3的咀巴
ham:『喂，仆街，你既對手係度呀』
lv3:『嗚........嗚...........嗚呀呀呀!!!!!!!!!』
LV3發現自己受傷後就發狂似的衝向ham，ham看準時機，向右使勁避開，然後用散彈向lv3的頭部開了一槍
正想開第二槍時，lv3一拳揮向ham，拳速令ham無法擋下，臉部硬生生吃了lv3一記重拳，隨即脫了一顆臼齒
ham:『吐吐..........仆你個臭街!!!!!!!!!!!冇左隻牙我點食野呀你老尾!!!而家冇牙醫架!!!』
憤怒的ham抓狂了........不，不該說他抓狂，像是變了另一個人
正常人即使抓狂了，亦不會有什麼提升速度等等基本能力，但ham速度竟比lv3還快了點，但似乎他失去了理智與自控能力
ham............終於覺醒了
(還記得嗎，vivian那報告說有某些人注射了她新研制的病毒，當然在毫不知情的情況下，ham被注射了，但由於藥量過輕，所以不像其他注射病毒的人死去
但vivian只是剛好將最後一次調校份量給ham及另外二人，所以說只有三個人會這樣，但就像ham一樣，沒有覺醒的話就完全沒有問題，且每人覺醒方法都不同)
強化了的ham左閃右避，令lv3無法擊中ham，散彈槍聲卻此起彼落，不一會，lv3也死去了
而ham也因突然俾強化和強化後遺症而倒在地上，但沒有暈過去，只是連站著的力氣也沒有
ham:『岩岩.......岩岩我發生左咩野事.......點解頭先點打低隻lv3我都唔記得既.........係喎!!!條仆街打甩左我隻牙!!!』
隨手摸向面頰，ham發覺牙齒重新生出來，令ham感到非常之不可思議』
ham:『點解........』
看到了有影子映落ham的身上，ham向上一望，原來是隻喪屍正想咬ham
但ham經歷剛才的戰鬥，且後遺症發作，完全沒有力氣，怎可能再殺喪屍??
ham心想:::仆街啦.........岩岩先殺左隻最終進化既喪屍，殺完俾左普通喪屍殺死........五個字，天意弄尻人
兩下槍聲卻令ham拾回一條命，當然，救了ham的，就發現沒有了槍聲而走過來的蝶
蝶含著淚水跑向ham:『ham.......ham呀!!!!!!你做咩呀，點解會訓左係地下架』
ham:『喔......冇野....岩岩唔知咩事打低左個怪物，而我自己有知覺事已經殺左佢兼且訓係地下唔郁得』
蝶:『.........你冇事就最好啦，我好擔心你架』
ham抱著蝶:『放心啦.......為左你我唔會有事』
蝶:『.......我愛你』
ham:『....嗯』
蝶扶起了ham，走向了荃灣碼頭，這次，再沒有障礙...................
-------------------------------------------二十二分鐘後，荃灣碼頭-----------------------------------
ham:『仆你個街............點解一架船都冇架!!!!!!!!點走呀』
蝶:『不如我地用架車周圍搵船好過啦，好冇?』
ham:『你話點就點啦』
ham再次爆竊一部車子，這次的車，不是法拉利，不是rx-7，只是一架不起眼，普通的車子。但這架不起眼的車子，卻是二人用了半年的車子........
-------------------------------------------半年後-----------------------------------------------------------
沙田出名的城門河，堆積著一堆堆的屍體........及喪屍
沿著城門河走的車子，悲涼的二人望下去，只有一絲絲的嘆息，了無生氣的香港，是否只剩下這兩個活人??
ham:『我地都係香港用呢架爛鬼車兜左半年啦..........船又一隻都冇，人又係一個都冇，喪屍就唔知點解好似越黎越多咁』
蝶:『我諗係大陸既人將d喪屍整過黎香港......所以先至越黎越多』
ham:『正一仆街..........佢當香港垃圾堆填區呀!!!!!!』ham一心情不爽，將手槍指向外，開了一槍，擊中一隻喪屍的腦部，血液立即爆開，頗為嚇人的，不過ham二人已見怪不怪
蝶:『算啦..........唔係點喎，我地走又走唔到......真係留係度等死咁』
ham:『你又講得岩既.........不過你睇下後面，我地應該有排都唔會死啦』
車子原本應是後座的地方，被他們拆了放置槍枝及食物等等，這車子應該是全香港最厲害的車子吧?
蝶:『嗯.................停呀!!!!!ham，停車呀!!!!!!!!有生人呀』
ham停車後，二人第一反應就是拿起槍衝下車子，救人
一個用布裹著身體，看起來好像食得飽，著得暖，但卻蹲在地上
ham:『喂!!!你冇事嗎??』
??:『...........冇事，唔關你事，走開』
ham莫名火起:『你.......駛唔駛咁串呀，咁耐冇見生人係唔係要我打柒你呀』
??:『勸你唔好惹我』那人始終沒有望向ham，但ham發覺，沒有喪屍敢走近那人
ham:『...............怪人』
蝶剛到，不知發生了什麼事情，只見ham氣沖沖的走轉頭
蝶:『ham，做咩呀』
ham:『唔好理佢，痴愛u，問佢有冇事佢叫我走開』
蝶:『咁怪......』
說著，ham和蝶都撞到了某東西，那知道.........是lv3
ham看了一眼:『大檸...................』未說完就與蝶一起俾打飛至暈倒
朦朧間，ham好像聽到lv3的慘叫，然後，有一個男子的身影叫喚著自己
??:『ham........ham.........起身呀........你連我都唔認得?.............ham........................』
不久，ham就起來了，發現自己與蝶，都被反鎖在一個資源充足之餘，自己的車子又在的倉庫裡.................


下集預告:::時間再次回到半年後，早上，二人起來，會發生什麼事嗎??他們居然可以逃生，為什麼??期待下集---------abnormal helper

逆．Ｒeｍ

第二集  abnormal helper
陽光照耀著二人，喪屍們亦照舊呼叫，但ham他們已是把這種聲音聽得像是虛無一般了
ham:『又一日啦.........早晨』
蝶微笑著回答:『早晨，訓得好唔好?』
ham:『幾好.....奇怪，不知不覺間，d喪屍叫得幾大聲都訓得著，之前岩岩入黎呢度真係夜夜失眠呀....』
蝶:『咁都係件好事黎架嘛，好過訓唔著啦』
ham:『都係既....唉，究竟我地要到幾時先可以離開呢度呀』
蝶:『我都想知.......』
ham:『武器我地又唔係冇......只不過數量唔足以應付下面班野o者』
蝶:『嗯嗯........如果有幫手就好啦..........咦??果架咪係之前見到既直升機?』
ham:『咦，係喎，喂喂!!!!!!!我地係呢度呀，救命呀』
直升機就像從前一樣，沒多理會二人的呼叫，直直的駛過去了，可能聲浪不足吧
ham:『你老母，架直升機係唔係喪屍用緊呀，唔識聽人話呀仆街!!』
蝶:『你咁興都冇用架........算啦........』
突然，遠方的那個商場崩塌，看來是因為爆炸而崩塌的
ham:『果度發生咩野事???睇落唔似係因為喪屍而搞成咁架啵』
蝶二話不說，拿起望遠鏡，看著那商場的入口，一個背負著火箭炮，全身上下都是機關槍及子彈，彈匣更令他看起來像是穿上了裝甲一般的人類
蝶:『果個..........係咩人黎架』
喪屍們發現有人類站在實在的地上，當然蜂擁而上，爭著想吃這突然出現的食物
那人拿起背負的火箭炮，瞄準著喪屍群的正中，發射了第一枚，數以百幾的喪屍頓時沒了四份一，第二枚發出，已減少至一半以上
只見那人咀角微微泛笑後，竟拿起一柄軍刀，像是很享受般劃了自己的手一次。鮮血慢慢浸出後，用舌尖舔了幾下，那人更是像瘋狂了般，開始他的殺戮遊戲
ham:『條友癲架.........邊度黎支咁既火箭炮，又多子彈又多槍.......係喎!!!咁既話我地咪有機會走囉』
蝶:『又好似work喎.......』
ham:『直情係啦，蝶，快d去盡備要用既野，包括武器，武器就盡量帶得幾多得幾多，並再帶d乾糧啦
蝶:『ok冇問題』
十分鐘後，二人終於執拾好了，懷著緊張的心情，就從大門上面的窗口扔了兩顆手榴彈，繼而打開大門，開始殺出去
ham:『殺呀!!!!!!!!!!!!!!!!』
機關槍的瘋狂掃射且以ham的能力，不但完全沒有喪屍能接近他們，『清理』行動更是十分迅速
而蝶則一言不發的純粹拿著散彈槍射擊，這半年來的體能訓練令她承受到散彈槍的後座力，而且憑著ham的掃射，亦增加了入彈的機會
不久，喪屍終被殺的清光，現場滿佈喪屍的屍體，少說也有三四百具
而二人終於跟那神秘人見面了
ham:『多謝你救左我呀，真係好唔該哂你』
神秘人:『嘿嘿........識左你五年呢，而且我都唔係想救你，純粹想殺喪屍』
ham感到奇怪:::五年?我識你老鼠咩，我見過既人都冇個係你咁既樣
神秘人:『你唔記得我係邊個?記唔記得中一到中五都係坐角落果個呀』
ham:『下!!!!!呀南??估唔到係你喎』
呀南:『嘿嘿.....好耐冇見呢』說罷他再次舔著他那流出血的傷口，看他的樣子，感覺很痛快
ham:『呃.........呀南你............冇野啦，你同唔同我地一齊行??』
呀南:『冇呢個需要，而且我都有我要做既野.......有機會再見啦.......嘿嘿』
看著呀南遠去，ham道:『........冇見咁耐都係怪人一個』
蝶:『佢係你以前既同學???』
ham:『係呀..................不過由以前都已經成日坐係角落頭，仲陰陰咀笑.........幾恐怖既一個人，不過我覺得佢其實幾好人，佢種花好叻架』
蝶:『哦..........唔好講呢d住，我地而家去邊好??』
ham:『係喎...........搵架車坐先啦』
蝶:『好啦』
離開貨倉，久沒作戰的他們，二人再次踏進尋車之旅............


下集預告:::他們找到車後會到那裡??拯救他們的神秘人終於現身，他到底是誰???以後他們還會怎樣??請期待下集----dear friend.......chris

逆．Ｒeｍ

第三集  dear friend........chris
半小時的路程，已經帶領他們由工業區轉移到較為像市區的地方，亦開始討論駕駛那一架車子好
蝶:『我個人覺得架車實淨同快就得啦』
ham:『鬼唔知咩，問題係邊度搵架車先得架嘛............果架得唔得??』
遠處泊在打橫泊在路邊有一架林寶堅尼，雖然像是舊款，但也合乎理想
ham:『好，就要果架啦』
正當走過去，一隻lv2與十來隻喪屍走了出來
那堆喪屍已不像從前慢慢的行，而是有點速度，不過仍比不上人類跑步，相比起，只有人類普通的步速
ham當然二話不說，拿起長槍管麥林瞄準lv2的那外露心臟，連開兩槍，lv2便倒下了
另外的喪屍便以機槍掃射著，，不到五分鐘全倒下了
ham:『搞掂，走得...............唔係掛.......』
lv2竟然慢慢站起來，且用力呼氣著，看來lv2也進化了，心臟已不是致命的弱點，但至少看來能大減它的能力
看到lv2的進化，令ham感到了些許驚訝，但很快回復理智，再次用上麥林，瞄準lv2的頭部，轟了一槍
長槍管左輪的威力真的十分厲害，lv2整個頭也爆開消失了，看來今次真的死去
ham:『連lv2都進化左...........』
蝶:『雖然唔會太難打既........但係......』
雖然lv2比較容易對付，但當二人想到如果lv3也進化了........後果不堪設想
蝶:『唔好諗咁多啦，上車啦』
ham:『嗯...』
一輪功夫後，車子開著了
ham:『好......而家行啦』車子才剛行走，後面卻傳來了一些撞擊的聲音
ham:『what the.........下!!!!!!!仲未死???』
lv2竟然從後跑來，沒有頭的lv2剎是嚇人，但最令ham感到恐怖的.........lv2的心臟長回來了
ham:『.........咁仲成世界既!!!!!蝶，你駛住車先』
換一換座位，ham就拿著散彈槍，打開車子上方的窗，不斷轟向lv2
ham:『唔死丫拿，唔死丫拿!!!打爆你!!』
先是再次轟爆那心臟，然後就是轟斷了lv2的腿子，再快速開兩槍，lv2只剩下手腳，且飛開去了
ham:『今次你仲唔死.........蝶，我駛番啦』
蝶:『嗯........lv2而家直情有回復能力........』
ham:『係.....唔敢想像lv3會係有幾強.......唔駛驚.......蝶，有我係度，我唔會俾你有事』
蝶:『嗯......』
不一會，二人再次駛到城門河
ham:『.........我想係呢度停一停得唔得，你睇下』
車窗外的城門河，跟半年前他們看到的沒多大分別，一樣都是屍體堆積如山，那怪人依舊在那裡
蝶:『唔通你想搵果個人?』
ham:『係.........我諗緊，我係咪識佢，我記得半年前臨暈之前有人叫我個名......』
蝶:『咁........我陪唔陪你落車好』
ham:『.......你跟著我安全d』
二人下車後就走到那怪人的位置，叫了數聲沒有反應，於是揭開那塊布........原來並沒有人，只是一個木頭支撐著
布的底下有一張紙條，用著不知是墨還是血的紅色字，寫著
「ham....當你看到這紙條，我已不在沙田區，我知道你一定會在來這裡，無論是多少年後，當然，我相信你不出一年已可以回到這裡
放心，我不會離開香港，直至與你再遇，現在因為我有事要辦，所以不能跟你會面，唯有留下這張紙條
緊記，現在那些怪物與以前已變強不少，你要加倍小心
另外，相信你已知道vivian他們的陰謀與他們所有事情吧，當然，我也知道了
當時我的逃出，是因為囂的告知，遺憾，他也死了
記著，當你發現某件事情後，我便會出現，不用刻意找尋我
                                                                                                                                    永遠的兄弟  chris上」
ham讀後，緊握著紙張，chris未死去，一時間令他不知如何接受，居然流下滴淚
蝶:『張紙講咩呀，ham.........你.....』
ham:『.....chris』
百感交集的ham，此時身體終於起了變化....................

下集預告:::到底ham為什麼會變化??而且會起什麼變化??chris留下這封信後，那個『某件事情』到底是什麼事??期待下集.....a new capability

逆．Ｒeｍ

第四集 a new capability
蝶開始發現ham身體出現了變化，亦回想起到底為什麼ham那時可獨力殺死lv3
蝶:『ham.......你有冇事呀........』
ham:『..........唔好行近我，我都唔知自己發生咩野事』
蝶:『ham.....』
ham:『......你番去架車度等我......我好快會過番黎』
聽到ham這句話，蝶一聲不響地帶著沉重的心情回到車邊，知道自己男友快將要變成另外一種東西，沒有那個會懷著高興的心情吧
ham:『......都估到會係我，但估唔到而家先黎發作......vivian......死前都要整d咁既野我，你真係好野......黎啦』
異樣的黑色光芒在ham身上展現著，那股黑色力量快要侵蝕掉ham，當ham全身都被黑色力量侵蝕後；突然，ham回復了正常，至少看起來與平常沒有分別
閉上眼的ham，一睜開眼，竟然，整個眼球都已是黑色的，半點眼白也沒有，這是黑色力量侵蝕後的後果嗎?
全眼漆黑的ham，若有所思的看著自己的手，再看一看那堆屍體，右手一揮，那堆屍體竟然分開了兩半，到底是什麼能力???
咀角泛起一點微笑的ham，突然如煙一般消失，眨眼間便到了車子旁
ham:『蝶.....我無事......上車啦，我感覺到附近可能會有危險』
蝶:『哦.....』蝶自覺地走往助手席位
ham:『你駛住一陣好冇??我....有少少累』說罷，ham就暈倒了，見到自己情人暈倒，ham被蝶扶著到助手席，然後蝶也開車遠去
兩分鐘後，一個戴著帽子，手滴著血的男子走到這裡，口中喃喃自語地道著:『原來我唔係孤獨.....原來我唔係孤獨.....』不一會，男子也走了
蝶對道路的認知力比較低，竟駛到一個堆滿喪屍的地方--沙田火車站
心知不妙的蝶，打算倒車從後面逃去，誰知道後面也開走出了大量喪屍，逃也逃不掉
喪屍們亦開始發現車子內存有活人，開始向著車子走去
蝶:『死啦，再係咁，死硬架.....』
ham:『咩事呀??』ham原來已經醒來只是一直不睜開眼晴，看到了被喪屍前後包抄，ham也被嚇了一跳
ham:『做咩駛入咁麻煩既地方......唉』伸手向後面拿了一支散彈槍，一盒子彈，便走了下車
蝶:『你做咩呀，好危險架』
ham:『頭先訓著左大慨知道我身體發生左咩野事.....放心，呢度由我黎處理』
蝶:『我驚你又好似頭先咁暈左呀』
ham:『頭先係唔習慣，而家已經唔會有事，唔駛擔心，留係架車上面啦』
看著一大堆喪屍，ham側了一下頭，發出啪一下的輕聲，就說:『訓醒覺就遇上你班野.....你地唔好彩』
精瑩的眼珠子，轉變了像剛才的全黑，伸一伸懶腰，向著天空發射了一次子彈，象徵著撕殺的開始
突然，ham如煙的消失；不，應該說是消失的地方有著一縷黑煙，突然ham踩在前方一隻喪屍的頭，看也不看，連轟了數槍，數隻喪屍應聲倒下
被踩著的喪屍像是心有不甘的，用雙手抓著ham的腳，想拉他下來，ham對付喪屍是無情的，使勁的向下方一踩，整個頭顱爆開，血也濺到ham的褲邊
頓時，周邊的喪屍像有意識的不敢走前，畢竟還有一點意志，感覺到『再走前就會被殺』或是『這個人絕不好惹』的念頭
此時的ham，像是三國時代中站在屍體上的呂布，令眾屍生畏
這個時侯，ham咀角再次泛起十分恐怖的微笑，眼看一看自己的手，再裝成一柄槍的模樣，指著一只喪屍，像是開了一槍般
幾個喪屍立時倒下，頭顱爆破，ham也開始對自己的能力感到驚訝，就再次如煙的消失，到了車前，右手往後面一揮，最前排快要到車子的喪屍身上出現無數小孔
ham把散彈槍遞入車子中，說:『蝶....我唔再需要武器，放好佢』
蝶聽話地把武器放好，瑟縮一旁，開始感到害怕，不是害怕喪屍，是害怕為什麼自己男友會有如斯恐怖的能力
ham:『唔駛驚....我始終都係我，就算點變，我性格心理都唔會變，你先閉上眼晴，手捂住耳仔，我叫你既時侯就可以啦』
蝶照做，當然，驚恐的心理依舊存在心中，恐怕這段時間會是蝶一生中最長的時間，即是至到ham叫她的時侯，只過了十五分鐘
十五分鐘內，蝶反復思想了不少問題，到底ham為什麼會變成這樣，我需要離開他嗎，他會對我不利嗎，他可以用這些能力幹什麼??
種種疑問，在這十五分鐘內不斷纏繞蝶的心中，揮之不去
十五分鐘後，一把聽起來慈愛，柔和的聲音，令蝶掃除心中一切疑慮:『蝶，可以啦，唔好驚，我已經盡量清理至唔可怕程度』
蝶睜開眼，面前景像將她嚇得呆若木雞，面前的景像，盡是殘肢，和血.....是血!!!大量的血，只能用四字形容，血流成河
屍體中間佇立了一個....不知形容為什麼的東西，當然已不是人了，但也不像喪屍，反倒看似凋零的玫瑰
ham:『唔駛驚，果隻唔係喪屍，係個係我突然諗係就用木頭，好快咁雕俾你睇，令唔令???』
蝶:『......多謝你，令我放心左少少』
不知不覺間，ham的眼晴已回復，他亦坐回去駕駛席位
ham:『好啦.....其實我地有咩野目的架而家??』
蝶:『其實呢，我想搵下仲有冇未死既人』
ham:『好提議!!雖然冇乜可能....我地一齊去搵啦』不像剛才，這次ham會心的微笑是溫柔的，誰看了都會覺得順眼
蝶:『嗯!!!』車子就駛去了
雖然蝶看起來好像沒什麼事，但ham絕不知道，蝶現在心內正產生一個恐懼.......

下集預告:::二人踏入尋活人之旅，會成功嗎??會增加新的同伴嗎??ham的轉變是個絕大的轉捩點，大家認為他會再有轉變嗎???期待下集-----new companion

逆．Ｒeｍ

第五集  new companion
車聲轉過，塵煙從後湧起，車門被打開，裡面走出來一個人，那人口裡叼著一口香煙
ham:『頂丫........都到左油麻地，唔通香港真係冇哂人??』
蝶笑著回答:『仲有你個白痴同學呢!』
ham:『咧......佢呀，算吧啦』
關上車門，口中叼著的煙熄滅了，他意猶未盡的再點起一支煙
望著面前的建築物，有著朦朧的數個字
ham:『唔......新....之....咦!!!新之城???』
蝶也下了車，也頗驚訝
蝶:『ham，到底我地去左邊呀，點解會有新之城架』
ham:『唔知呀，可能我地去左旺角或者荃灣，唔會係其他地方』
蝶:『咁.....(看看周圍的路牌)我地係旺角丫』
ham:『原來係咁.....咁.....入去搜索一下啦』
如今的新之城，已經不復昔日熱鬧，基本上已成一個廢墟，無論又內到外，不但沒有半點生氣，更是令人感到詭異的
ham:『......對上一次黎新之城行街都唔記得既時啦』
蝶:『係囉，今次再過黎行就搞到咁』
ham:『算啦，件事發生到而家，都係覺得一件永遠既悲劇』
談話間，旁邊突然跑出一隻喪屍想撲向ham，怎知，他的眼卻突然改變成全黑，右手一掃，那喪屍便人頭落地
再一次使出這種能力，ham猶豫的看著自己的手
蝶:『隻野丫......ham，你做咩呀???』
ham:『......冇，我開始越黎越覺得自己似一隻怪物』
蝶:『唔係，你係我心目中，永遠都係ham，永遠都唔會改變』
ham:『呢種能力，的確好厲害......但係我寧願係拎槍好過，至少我唔會令自己感到難過，覺得自己係怪物』
蝶:『唔緊要啦......』
說時，右邊又撲出了一隻了，快要撲向蝶的時侯，ham已經捉住了他並按在地上，打算使出能力
??:『喂等等呀等等呀，唔好殺我呀，我係人類呀』
ham:『......人類?』
??:『係呀，我叫andy呀，未發生件事之前我係個歌星黎架』
ham:『andy hui??』
andy:『係呀係呀，你都識我架，饒恕我呢條命啦』
ham不自覺地想起了vivian，vivian也是個明星，但她害得ham不淺
ham:『你認為我會唔會饒恕你呢??』在身後的蝶，露出一面愁容，希望ham不會殺了andy
andy:『唔會既唔會既，你咁英俊瀟灑，唔會殺我』
ham露出一面笑容:『係咩，咁你認為我之後會點樣做呀』
andy開始料到ham在想什麼，便說:『咧.......我陪你一齊去闖丫，反正我得一個人』
ham:『哼......你自己本身有冇武器』
andy:『有有有!!我有一支散彈同一d子彈』
ham:『俾我睇下』
遞給ham後，andy心裡想著:::咪又係個廢柴，散彈都好似未見過咁
ham:『你係度諗乜呀』
andy:『冇，諗緊點解你會咁令仔咋嘛』
ham:『賣口乖(扔那支散彈給andy)以後你跟我，我行東時你唔準行西，呢個係我女友』
andy:『係既係既(心想:::遲少少就殺死你，條女我自己要左佢，正!)』
ham:『唔好搞我條女主意，亦唔好諗住反抗我，反抗我下場就係咁』
他指著一個垃圾筒，眼晴變黑，那垃圾筒立即變成蜂窩，andy更被嚇得掉倒在地上
ham厲聲叫道:『明唔明白!』
andy:『明....明白』
聽了ham轉身就走，拖著蝶，蝶看到ham並沒有殺掉他，心情頗好，但仍有點疑慮
蝶:『你好似係度恐嚇一個人迫佢加入我地咁，而且，你肯定佢唔會造反??』
ham:『任何普通人見到呢種力量都會驚啦，放心，佢唔會』
三個人於是慢慢再步回車邊，但他們並不知道，危機正步步迫近他們!

預告:那危機是什麼??新人的加入，會加變局勢麼?下一集ham他們進入大危機之中，期待下集----my eyes just have zombie

逆．Ｒeｍ

第六集  my eyes just have zombie
三人同行走到了電梯口，準備步出門口回到車子
ham:『蝶，你累唔累呀??』
蝶:『唔累....』
andy沒多理會他們，就加快一點腳步想走前點。突然，他佇立在一處發起呆
ham和蝶都感到奇怪，不禁心想，他又搞什麼鬼咧??
當二人走近andy身旁，就知道事情不只這樣了
新之城門口聚集了一大群喪屍，少數也有二百頭，已不知用壯觀還是恐怖來形容...
ham:『仆街啦.....』
蝶:『ham!!咁而家點算呀』
ham:『呼.....突然有搞單咁既野，頂...蝶，你睇住果位大明星，我去殺哂d喪屍，你身上既彈藥應該足夠應付行近你既喪屍架』
蝶:『...明白，小心點呀』
只見ham先向蝶微笑了一下，眼晴就變成全黑了，鬆了一下腰骨，便衝上前去
第一下便踏著一隻喪屍的頭，飛上了半空，兩手向下狂掃，底下的喪屍便倒下了數十集，無一不被變成蜂窩
ham降落在地上，旁邊的喪屍便發了狂的衝過去了，他立即起來，兩手伸開，從口拍一下掌，便倒下了近半的喪屍
ham:『哼哼，咁快就殺左咁多隻啦...嗚』
原來，能力越強，副作用更厲害，ham突然吐出了一攤黑血，眼晴的顏色也變回正常了，然後...ham便暈過去了
蝶見到ham暈了過去，正想走過去，只見一個黑影突然在ham的身邊，無數根尖刺從那黑影突出來
蝶和andy也呆著，看見這種狀況，所有肉眼看到的喪屍都被尖刺刺死，像是古代一些行刑場一般，吊著大堆發臭的死屍
那黑影中突然冒出一股冷酷的目光，蝶被那目光嚇得呆著，跌倒在地下
一分鐘後，那黑影便消失了，而ham倒臥在群屍中間，蝶仍未清醒過來，而andy呢?!卻不知所蹤了
很快，蝶回復了理智，慢慢走近ham身旁，拍了ham幾下，他也就醒來了
蝶含著淚水撫摸著ham的臉頰，溫柔地說:『ham...你冇事嗎?』
ham:『...岩岩唔知點解，用完能力就好

逆．Ｒeｍ

第七集  a little girl
當聽到那尖叫聲，ham就叫了蝶:『蝶!!果邊有聲，我過去睇下咩事，你係呢度等等我!』
說罷ham便衝也似的跑了過去聲音傳出的方向，那便是奧海城門口
奧海城----從前因為頗接近旺角，而令人氣也不少的一個著名商場，現在.....一片頹垣敗瓦下，倒襯托出一聲另類味道
『救命呀!!!』那把女聲又再傳出，這次聽來，倒有點童稚的感覺，帶一點顫抖，而且....是一把熟悉的聲音
到了那兒，多隻喪屍的身影遮蓋了女孩，眼見女孩快要被襲擊，ham上前拍了一下其中一隻喪屍的肩膀，喪屍才剛回頭，便被ham用軍刀砍下了頭顱
其他喪屍當然立即發現ham，幾隻一同抓向ham，他向上一大跳，轉了一個身，閉著的黑色眼晴就張開了，便向地下狂掃，著地後，喪屍群都全倒下了
回復正常的ham，走近了那女孩，明顯地那女孩仍是低下頭顫抖著
ham:『小妹妹，冇事嗎??』
??:『...........』
ham:『有冇事呀??』
??:『..........嗚哇呀呀呀呀!!!!』
突然，那女孩異變了!全身的皮膚顏色都變成紫色，而身體正在變形
此時的ham已知道不對勁(正常人都看到的吧)，便立即衝回車邊
ham:『蝶!!!走!』
蝶:『下...發生咩事呀』
ham:『冇時間講咁多啦，快d上車......』
突然身後發出巨響，看來已異變完成了，回望那邊，便看見一隻寵然巨物正走來，且速度更越來越快
看到此情形，ham二話不說推了蝶上車，便立即開車，誰知......車子死火了
ham:『shit!!蝶，快點避去一個安全d既地方』
蝶:『.....我唔想你有咩野事呀』
ham:『放心啦.......唔會有事，呢種事我控制到架啦』
二人相擁了一下，蝶便離去了，ham從車上拿起一把散彈槍，兩柄手槍，一把軍刀，便走向那女孩(怪物)
走到那怪物前，那已與那女孩的模樣差得遠了，但看來仍在發育中，因為肉體還是頗不穩定
那怪物似乎未發現ham，眼神遊離地走著，但ham已等得不耐煩，用散彈瞄準頭部先開了一槍
怪物的一部份被打甩，牠已留意到ham，發出了不知怎樣形容的叫聲後，便伸出觸手想襲擊ham
ham微笑了一下，迅速避開後，連續用散彈向怪物轟去，踩著怪物的身體，彈後再轟一槍
怪物似乎受到襲擊而感到驚怕，開始向後退，正當ham鬆懈的時侯
觸手卻突然間襲來!!但ham早已發現不對勁的事情，所以避開了，但也被擦傷
ham:『嘖...救人搞到咁，搞錯呀』
怪物仍無情的向ham襲來，ham忍無可忍...終於發動能力!!
眼晴全黑的ham，指向快要襲來的觸手，轉眼間向ham襲擊的觸手都斷開了
眨眼間ham轉到怪物頭上，雙手指向怪物的頭，觸手迅速便向頭部襲來，ham敏捷的跳了一下
再掉落至怪物頭上，手指深深的插進了怪物頭部
ham:『嘿嘿!!死啦』
不斷狂轟，怪物身上發出了光芒，繼而爆裂，爆風連ham也被彈飛了
ham:『咩事呀......』
煙霧中，隱約看見一個人形物體站在其中......

下集預告:::到底...怪物本身是什麼?人?還是不熟悉的物體?由你們去探索，期待下集----hitman

danny831

等左咁耐,終於回歸喇...