|
本帖最後由 拉拉是個人才 於 9-6-2013 20:41 編輯
CSO? 呢隻GAME無得救左好耐
先唔好講槍
CS本來就係for 打一般
喪屍果啲只係其他類型既娛樂模式
一般地圖唔肯出 1.6既比賽地圖都唔出
一個好地地既de_tuscan係要出個玩家自製地圖黎代替
有咩好講?
日日夜夜街場玩黎玩去都係de_dust2
想多張地圖都冇既 叫啲玩家玩乜?
好啦 講其他模式
無錯CSO係出左各種唔同種類既地圖
事實上好多種模式都係幾好玩
可惜有大把模式出完就無左下文
出完個挑戰模式 跳黎跳去都係果幾個場
請問玩家要點玩落去
災厄就 出左新既 舊既地圖無人會想玩
雖然我轉左玩lol 好耐, 但係不時都有留意CSO既更新
更黎更去 又係一堆活動 出一堆金槍 稱號
啲槍一係就過弱 一係就過強
試問隻GAME點玩落去
你同我講槍法好 glock仔都嬴
我可以同你講差唔多技術既人一個渣AK 一個渣幾乎無後座力既咩極道 可以唔洗玩
咁有技術既人玩咩?
大把人轉唒去玩1.6 GO 唔提
想打got5既 想搵番場都艱難
CSO對一般模式似乎已經係放棄狀態
只係偶爾搞啲比賽咁挽留住部份玩家
其實CSO 鍾意玩屍既人更加多
點解CSO又唔出啲可以拎呢堆人團隊比賽既模式呢?
出稱號大把稱號叫人去玩既場數多
擺到明係用呢招挽留玩家
但係稱號真係一啲屁用都無
周街見到紅稱都可以知道佢係洗番黎
真係FEEL唔到有咩成就感
想當初我努力洗左個天龍番黎
成就感有係有 得果幾日
過左幾日就覺得有同無係無分別
啲稱號既難度設置根本就係太難
由正常咁玩慢慢打到紅稱恐怕幾年都未得
有稱號唔會有額外獎勵 人地望到你既稱號第一印象=洗稱狗
真係唔知個稱號有咩用
相比係LOL 打個鑽石番黎 果種感覺差一萬倍
與其去搞一堆活動去挽留玩家
不如認真D 經營遊戲 出力去專注新研發既模式仲好
CSO既IDEA 差唔多已經去到盡
出親槍都係金槍紅色槍
出左新模式又無下文
傳統一般模式又唔專注
外掛問題我都懶得講
客服既機械式回答九唔答八
CSO?無得救. |
|